أقسام الوصول السريع (مربع البحث)

صابر سيزار يردّ على بن مامي :"إنت دخلت في الرجولية والشرف.. تلزّ فيا نقول كلام ما يعجبش" (فيديو)

حلّ الممثل الكوميدي صابر سيزار ضيفا اليوم الأحد 23 جوان 2024 في برنامج "مع بية" على إذاعة إي أف أم، وتحدّث هذا الأخير عن خلافه مع الممثلة مريم بن مامي بسبب السلسلة الكوميدية "خوك من بوك" التي تمّ تصويرها في دبي.

وقال صابر سيزار بخصوص خلافه مع بن مامي وردّه على الاتهامات التي وجهتها له :"

عزيزي الله يرحمو قلي كي يبدا عندك حق عند مرا سيبو.. خاطر أنا كرجل يلزمني نحترمك ياسر.. وانت دخلت في الرجولية والشرف، أنا ما نجمش نجاوب عليك وموش معقول..".

مضيفا :"

مادام قالت كلام هكاكة بالنسبة ليا أنا ما نجمش نجاوبها .. كان باش نجاوب بنفس المستوى ما يجيش وما نرضاهاش لأختي..

أنا حكيت على المستوى المهني وما دخلتش في أعراض كيفها هي".

وكانت بن مامي قد نشرت تدوينة على حسابها الخاص تهاجم من خلالها كل من صابر سيزار والاعلامي سهيل الغيداوي وجاء فيها :"واخيرا المهزلة الي صارت في دبي اتكشفت…خوك من بوك سلسلة رمضانية كلها كذب واتنوفيق اساسها القفة الزايدة وقلة الرجولية …انت إعلامي!!!تحكي بروحك زعمة زعمة دين وثقة ورجولي وإلا انت فنان تطلع علي المسارح وتحكي مع الشعب !محشمتوش كيف طلعتو في موزايك طقطعو فيا وتريشو علي خاطر شفتوني مانيش متاع فضايح ! طمعتو فالدولارات نسخايبو رواحكم طحتو علي عظمة صحيحة و نسيتو الي الفلوس موش كل شيء ياخي طلعتلكم قرعة وطحت فيكم أنا ! نسيتو الي ربي فالوجود ..الفلوس ردكم اعمياء لين انسيتو اصلكم وفصلكم ..".

مضيفة :"اما تذكرو مليح مليح لولاد الي انتوما بعتو شرفكم وأنا طلعت ارجل منكم يا خوانا…وللحديث بقية …ممكن ياسر انهبط فيديو نفضحكم فيها بالقدا..اما موش توا !ثقافة البوز وليت فاهمتها مليح مليح وبالطبيعة البوز الردي و الجبري الي كيفكم يا جبورة.

الفيديو :