اشتعل بلاتو برنامج "الحوار سبور" الليلة الاثنين بين كل من اللاعب الدولي السابق عمار الجمل وسمير السليمي والناخب الوطني منتصر الوحيشي.
حيث هاجم كل من عمار وسمير، الناخب الوطني بسبب تشكيلة ومردود المنتخب الوطني التونسي في مبارياته ضدّ كل من ناميبيا وغينيا الاستوائية.
وقال عمار الجمل بخصوص اللاعب الياس سعد :"الياس سعد ما ينجمش يلعب مهاجم.. كي تشوف الملاعبي حتى بطوله ما ينجمش يلعب مهاجم وحتى إمكانياته الفنية ما تخليهوش يلعب مهاجم..".
ليردّ عليه منتصر الوحيشي معللا اختياره :"نحترمو رايك انت ما تراهوش مهاجم لكن ينجم يلعب.. فما 50 مهاجم في العالم كيما الياس سعد..".
مما تسبب في انفعال عمال الجمل الذي اعتبر أن المنتخب التونسي في أسوأ حالاته :"انت توا حسب ما فهمت حبيت تجي تحكيلنا إنه أحنا زوز مقابلات كنا فيهم ممتازين برشا.. الي هو زوز مقابلات كنا فيهم أخيب نسخة في تاريخ تونس من ناحية الاداء.. قلتو الملعب خايب هاي لعبت ناميبيا وشدت كورة وأمورهم واضحة".
الفيديو :
