أقسام الوصول السريع (مربع البحث)

الروحية : 4 تلميذات يحرمن من البكالوريا بسبب عدم توفر النقل "خسارة تعب عام كامل" (فيديو)

تداولت صفحات مواقع التواصل الاجتماعي يوم أمس الخميس 13 جوان 2024 تدوينة مؤثرة أثارت تفاعل التونسيين، وجاءت التدوينة على لسان 4 تلميذات بكالوريا بمعهد الروحية تم حرمانهن من اجتياز امتحان الأنقليزية يوم أمس الأربعاء وذلك بعد تأخرهن بسبب عدم توفر النقل والمواصلات بالجهة.

وجاء في نص التدوينة :"

خرجنا من دار 6 متاع الصباح (اربعة بنات)بقيناا نستنو في المحطةة ل 7.10 بديناا نكلمو في نقل الي نكلموه يقول منيش هناا ف تونس والا ف الكااف كلمنا اكثر من 4 كراهب وبعد شفنا شكون بعثلناا كرهبة من الروحية وصلتلنا 7.50 ركبنا واحناا نبكووو وخايفين وهبطنااا وصلناا ليليسي 08.21 واحناا نبكوو وحالتناا حليلةة خرجولنا القيمين يحكو معاناا ومشاو يشوفو كيفاه شيعملولناا . أول ما دخلو للمدير وحكو معاه ع اقل نكتبو اسامينا قلهم لا قانون وفاتو الوقت وغييروو بقاو يحاولو معاه برشاا باقي شي .وهذا الكل مع العلم الناس الكل تحاول ف المدير قيميين ، متفقد ، ورئيس المركز و الكل وهو حبس غادي وحرمناا من الدوفوار وقضى علينا وبقيناا كك اربعة بنات (3 بنات باكالوريا اداب ووحدة علوم تجريبية ) وبعد بقيناا نبكوو غاادي وتحرمنا من الدوفوار واحد كان معمل ينجح حتى ب9 والا حاجة . حتى عندو أمل تو سيي..

وليوم احنا عل خاتر احنا معناش نقل و موش موفرين لينا نقل نتحرمو من فرحتنا.. و يمشي تعب عام كام خسارة وتعب عايلاتنا ..

فينا الي معندوش بو وامو تخدم عليه باش تقريه وتوفرلو حق اتيد و مصروف عام كامل والي بوه يخدم عامل يومي في شموسات باش يقريه

ليوم احنا رينا كسوحية لقلب و لوم على حاجة انا معنديش فاها دخل.. موش ذنبي كان موش موفرين لينا نقل

حرام دمرتونا و قتلتو فينا الفرحة كان عنا امل بنجاح..

القولنا حل حتا احنا نحبو اماتنا تزغرط لنجاحنا".

وقد تدخلت إحدى التلميذات مساء اليوم عبر إذاعة "اكسبراس اف ام" كاشفة تفاصيل الحادثة، وموجهة نداء استغاثة لوزارة التربية.


الفيديو :