أقسام الوصول السريع ( مربع البحث )

"مدام عروسية" : إبداع سيدة الشاشة منى نور الدين في مسلسل "منامة عروسية" (فيديو)

رغم مسيرة تمتدّ على أكثر من 60 سنة قضّتها بين خشبات المسارح ومواقع التصوير للتلفزيون والسينما لم يخفت شغفها بالفن ولم تؤثر السنوات على قدرتها على العطاء في مجال اقتحمته في سنّ مبكّرة استطاعت خلاله أن تحقّق الشهرة والنجاح دون أن يؤثّر ذلك على التزاماتها العائلية. وطوال عقود عديدة راكمت الأدوار والنجاحات وحظيت بإحترام الجمهور وكبار المسؤولين تقديرا لموهبتها وما تزال احدى العلامات الفارقة للفن التونسي، هي عميدة الممثلات والممثلين التونسيين منى نور الدين.

وتزامنا مع إعادة بثّ مسلسل منامة عروسية على الوطنية الثانية، نشر نشطاء مواقع التواصل الإجتماعي صورا لشخصيتها في المسلسل "نانا عروسية" معلقين على أهمية الدور وإبداعها في تقمّص الشخصية.

ومن بين التدوينات، تدوينة الشابة التونسية نورشان البوغانمي التي كتبت :"

شخصية مدام عروسية في منامة عروسية الي مثلتها الممثلة القديرة منى نور الدين هي شخصية صعيبة برشا ومركبة وعندها برشا تغيرات وكيف نرجعه لأساس الي خلا مدام عروسية تظهر ظاهريا للمشاهد شخصية متسلطة ومتحكمة وقاسية في بعض الأحيان ،هو انها كانت أساسا ضحية للظلم والإستبداد والتحكم والسيطرة والقسوة الي كان مسلط عليها من قبل عيلة راجلها الأول بالحسن عزوز وهذا كان بإعتراف منها في مشهد في المسلسل كيفاش هي حبلة وحماتها تحكم عليها تقضي وتعمل كل شيء وحدها " رد بالك منها يابالحسن هذي جايتك قاريا وعنيها محلولة " مرا راجلها الأول طلقها وفكلها صغارها وفما مشهد يقول فيه مهدي "الناس يراو فيها كان قوتها مايعرفوش المأساة متاعها " ،شخصية عروسية الي تغيرت وتحولت لشخصية متسلطة ومتحكمة وصعيبة برشا هذا كان ردة فعل منطقية وواقعية للأذى المعنوي والمعاناة الي عاشتها مع راجلها الأول ولكنها حقيقة كيف تحررت من الماضي الكل وعرست براجل يقدر قيمتها ويحترمها ويحبها بصدق حاولت انها ترجع عروسية البنية الشابة الصغيرة الي قلبها نظيف وطيب وحنين ومليان بالمحبة والخير ورينا عروسية في أكثر من مشهد المرى المضخمة الكريمة المعطائة الحنينة الي ديما تصدق على رحمة ولدها المنصف وأي حد يستحقها يلقاها ورينا في مشهد كيفاش عاونت الطاهر باش يعرس بالمرا الي يحبها ووقفت سند ليه ،وكرمها مع العربي وفطوم وساسية ومبارك".

مضيفة :"شخصية عروسية المسؤولة المرأة المستقلة الي تاقف على رزقها الشامخة والصامدة رغم كل شيء الشخصية القوية والواثقة من نفسها والحاجة الإيجابية والي عجبتني برشا الي بالرغم من الأذى والظلم الي عاشته سابقا الي أنها مازلت محافظة علي قلبها الطيب المليان بالخير ،وفي مسألة حبها الكبير للمنصف والتفرقة بينه وبين ولاد عزوز هي بالرغم من كل شيء تحب ولادها الكل برشا وهذا يصير عادي جدا سيدنا يعقوب كان يحب برشا سيدنا يوسف ولكن زدا يحب أولاده الأخرين ،حتي ولو كان فما نوع من التفرقة فهذا يرجع انه راجلها الثاني كان مدللها ويحبها برشا والناس الكل يغيروا منها علي هذا وكان عوض كبير ليها على الوجيعة الي عاشتها مع راجلها الأول إضافة على أنه المنصف كان قريب ليها برشا ومدللها ويحبها برشا ،ورينا في مشهد حب عروسية لكبير وحنيتها على الهادي وبهيجة ،الهادي ولدها وكرمها ليه وقتلي جاها للهنشير على مصلحة فرحت بيه ،شخصية عروسية المحبة برشا لحفيدها عزيز تخاف عليه من النسمة الطايرة وحارصة على صحته ورغم سيطرتها وقوتها عزيز يعرف في داخله الي هي تحبه بصدق خصوصاً أنه ولد المنصف الشارد ،وحنيتها وحبها لليليا من قبل حتى ماتعرف الي هي حفيدتها ،مدام عروسية مرا ماهيش مثالية كيفها كيف أي انسان عندها عيوب وأخطاء تحاول تصلحهم وعندها مميزات تنسينا في عيوبها عروسية صاحبة المواقف الجيدة ،مرا ماتكره حد تحب جدة عزيز للاهم وتدافع عليها في أكثر من مشهد وقتلي الهادي ولدها تمقعر عليها دافعت عليها بالرغم الي للاهم حقودة ومتحبهاش وديما تحكي عليها بالخايب ،أنا شخصيا عجبتني كتيبة الكاتب الأكثر من رائعة للشخصية الرئيسية مدام عروسية الي حتى الأزمات والصدمة الي اكتشفتها في اخر المسلسل خلاتها تاقف على ساقيها من جديد وقتلي الناس الكل توقعوا انها تسلم وتموت ،شخصية محاربة وصامدة ديما رغم كل شيء ،بالنسبة ليا بعيوبها وبمميزاتها كشخصية كتبها الكاتب بطريقة مميزة نحبها برشا مدام عروسية وتعجبني ،وتمثيل المبدعة مدام منى نور الدين أكثر من رائع دورها مميز وخاص وبقي بصمة في عقل وقلب المشاهد التونسي إلى حد الآن ..".

الفيديو :





تعليقات



حجم الخط
+
16
-
تباعد السطور
+
2
-