تحدّث مواطن تونسي مقيم بالخارج في حوار مع إذاعة موزاييك اليوم عن تجربته في الغربة معبّرا عن إمتنانه الكبير لما وصل إليه اليوم بعد رحلة كفاح طويلة في فرنسا و كيف نجح في أن يتغلّب على الصعاب و يحقق حلمه و يصبح أشهر حلّاق تونسي في فرنسا.
و قال متحدّثا عن تفاصيل تجربته :"اسمي عبد الرزاق الطرابلسي من صفاقس وعمري توا 40 سنة وخرجت لفرنسا من 2010 ومغروم بمجال الحلاقة.. عندي زوز حوانت في باريس وباش نحل الحانوت الثالث.. أنا من عائلة متوسطة وبابا كان يخدم علينا وأنا حبيت نعاونو خرجت نخدم في الصنايع الكل نجار جزار وبعد استقريت في مجال الحجامة.. عام 96 بديت مع خويا وعلمني صنعة..
بعد مرضت بمرض نادر برشا والأطباء ما فهمونيش.. والدواء متاعو غالي برشا ولازمني ديما نعمل تحاليل.. قررت نخرج لفرنسا باش نداوي خاطر دارنا زواولة".
وأضاف :"خذيت فيزا الصين و هبطت في باريس مرمدوني و بعد مشات الطيارة للصين، اما شديت الصحيح و بقيت في باريس.. نهار كنت متعدي قدام الحانوت الي احنا فيه توة نلقى كاتبين حانوت للكراء كان حلم حياتي.. كلّمت صحابي اللي عندهم فلوس و كل شي مافماش اللي حب يرحمني .. قلتلهم باش يسلفوني 1000 أورو باش نكري..".
وختم قوله :"سميت روحي zak l'artiste, و النجوم بدات تجيني والعباد و بديت ندخل في الصناع معايا .. نفتخر بروحي حجام تونسي جا من البلاد لا نعرف نكتب لا نعرف نقرا وكونت روحي و ثقفت روحي .... انا تو فخور بروحي بمرتي بأمي بابا ..بأصحابي اللي عاونوني".
الفيديو :
