أقسام الوصول السريع ( مربع البحث )

تونسية بتأثر :"مرت خويا جابت صغير حبيت نهزو ونبوسو.. يخي قتلي منعطيش ولدي لوحدة تحب الرزق الحاضر"

تداولت صفحات التواصل الاجتماعي تدوينة مؤثرة لمواطنة تونسية تروي تجربتها مع عدم الانجاب رغم مرور أكثر من 8 سنوات على زواجها قائلة ما يلي :”

انا عرست عندي 8 سنين وربي معطانيش صغار..مرت خويا عندها ثلاثة صغار جات قتلي راني حبلة ونحب نطيح ظروف خايبة قلتلها خليه يجيه رزقو وانا نعاونك عليه.. قتلي مالا نجيبو ربيه انت عندك قلتلها باهي احنا داري ودار خويا بجنب بعضهم…وافقت انا وخويا قلها ميسالش…مشيت انا فرحانة كل شهر نشري في دبش للمولود الجديد اي حاجة نراها نشره نشريها وراجلي قلي اعمل عقلك وشوية شوية اشري للي يولد الطفل..الحاصل وصلت مرت خويا للتاسع وانا فرحانة قول انا باش نولد مش هي…للي جات الصدمة مرت خويا ولدت ومافيباليش ماقالوليش.. مشيت للسبيطار نجري والله تصدقو هبطت من تاكسي نسيت شلاكتي ودخلت حفيانة للسبيطار😢وصلت قلتلها مبروك ولقيت وجها مبدل عليا جيت نبوس في الصغير قتلي مش باهيلو البوس😥قلتلها نستنا فيه قول انا جبتو.. قتلي انا منعطيش ولدي حاضر تموتي عالرزق الحاضر انت.. والله صدمتني روحت نبكي جبدت دبش الي شريتو دورتو بيا.. وراجلي مش فاهم شي يسكت فيا.. بعد نهارين حسيت روحي مش لباس ودايخة مشيت للطبيب قلي حبلة ياناس حبلة بعد صبر.. والله مش مصدقة وبعد صبر جبت ولدي الحمد لله .. حبيت نقلكم الصبر باهي وربي كبير و رحمتو واسع".

فيديو  :






تعليقات



حجم الخط
+
16
-
تباعد السطور
+
2
-