تمكنت الطالبة التونسية نوال المسعودي من تشريف تونس بالولايات المتحدة الامريكية وتحقيق انجاز دراسي هام بعد حصولها على جائزة البحث المتميز من CRSP نيويورك واختيارها من بين أكثر 60 طالب متميّز في الولايات المتحدة.
وقد تخرجت نوال من إحدى الجامعات في تونس، وقررت متابعة دراستها العليا في الولايات المتحدة الأمريكية في مجال الابحاث في البيولوجيا الخلوية والجزيئية.
وهناك، واجهت تحديات كبيرة، من اللغة وثقافة مختلفة إلى المنافسة الشديدة في المجال الأكاديمي ومع ذلك، لم تتراجع نوال، بل اجتهدت بكل قوة لتحقيق أحلامها.
ونتيجة لذلك، حصلت على فرصة للعمل في معهد بحوث مرموق في الولايات المتحدة الأمريكية.
ومن خلال عملها الجاد وتفانيها وإصرارها، استطاعت أن تكسب احترام وتقدير زملائها ومشرفيها وأساتذتها.
وبفضل مهاراتها الاستثنائية وقدرتها على التحليل العميق والابتكار، تم تكريم نوال من قبل CRSP في نيويورك بجائزة البحث المتميز، هذا الإنجاز الرائع يعكس التفاني والجهود المستمرة التي قامت بها في مجالها.
إن هذا الانجاز التاريخي لنوال المسعودي يثبت أن الشباب التونسي قادر على تحقيق أي هدف يضعه أمامه.
إنها قصة نجاح تلهم العديد من الشباب الطموح في تونس وتثبت أن العمل الجاد والاجتهاد يمكنهما أن يفتحا الأبواب للتفوق والتميز.
وقالت نوال المسعودي في حوار على إذاعة كاب أف أم بخصوص مسيرتها وقصة إصرارها :"جيت لأمريكا في 2017 وفي الأول ما كنتش نحكي أنجليزية بتاتا نحكي كان فرنسية.. وفي 2018 قررت نبدل الثنية خاطر نخدم في 12 ساعة يوميا باش نجم نخلص الكراء والماء والضوء.. قررت نبدل حياتي وخممت في حلول ولقيت الي الحلّ الوحيد هو إني نقرى وتكون عندي شهادة.. وبديت نصب في أوراقي للمعاهد وكل عام يرفضوني يقولولي جاية من تونس وما عندكش مستوى باهي..".
وأضافت :"في 2020 دخلت لgoogle traduction وكتبت رسالة للرئساء متاع les écoles قلت فيه "كان باش تدخلني للécole راك ماكش باش تندم وحكيت معاهم باش يقبلوني"
وتحليت بالعزيمة والإصرار وحبيت نقرى في ميدان الصحة ونعاون العباد وعملت أول بحث متاعي.. وبعد تبعت ميدان البيولوجيا وحبيتو برشا وبقيت نعمل في البحوث ديما.. وفي 2023 حطوني نقدّم البحوث متاعي مع الجماعة الي عاملين دكتوراه.. حكيتلهم على المشاكل الي يصيرولنا بعد ما نمرضو بالكوفيد وكيفاش نجمو نلقاو حل للمشاكل هذيكا بالماكلة الصحية فقط، وخذيت الجائزة متاع أحسن بحث من ضمن مئات البحوث الي تقدمت وأنا فخورة برشا بالحاجة هذه".
كما وجهت نوال المسعودي رسالة للجميع ودعتهم للتحلي بالعزيمة والإصرار :"نحب نوجه رسالة للناس الكل ونقلكم ما تأيسوش وإذا تحبو تعملو حاجة كبشو فيها وبقدرة ربي توصلولها..".
وأضافت :"نحب نوجه كلمة شكر لدارنا خاطر موش ساهل برشا بقيت 3 سنين ما نجمش نكلمهم برشا خاطر وقتها نخدم ونقرى ونعمل في البحوث .. نقلهم ربي يخليكم وعيشكم خاطر صبرتو عليا".
وقد أثارت إعجاب التونسيين وأشادوا بمجهوداتها عبر صفحات مواقع التواصل الاجتماعي وجاء في تدويناتهم :"
الطالبة نوال المسعودي تشرف تونس في الولايات المتحدة الأمريكية
النابغة التونسية الشابة نوال المسعودي أصيلة صفاقس.. الباحثة في إختصاص البيولوجيا الخلوية و الجزيئية والمتوجة من ضمن 60 نابغة في أمريكا حيث أنه لأول مرة في تاريخ الجامعات الأمريكية، طالبة عربية وتونسية ، تتحصل على هذا الإمتياز والنجاح بمعدل 4/4 مع التحصل على جائزة البحث المتميز من CRSP نيويورك.
نوال المسعودي التي ضربت عمق الوجدان لتفجر بركان من نشوة الفرحة والأحاسيس لتعانق الراية الوطنية بدموع النصر حين حركت أقلام الصحافة العالمية ومنها الأمريكية بتحدي وصمود ونداء للعالم.. نحن هنا سوف نبقى هنا من تونس الكفاءات والطاقات وعلماء الفكر والقلم والكتاب.. برافو لكل كفاءاتنا في المهجر وبالتوفيق لكم جميعا".
الفيديو :
