تحدثت الممثلة ريم بن مسعود اليوم 18 الثلاثاء 2023 ، على اذاعة موزاييك افم ، حول الأزمة التي تعرّض لها مسلسل الجبل لحمر.
حيث قالت بن مسعود :"أنا قريت السيناريو عجبني و عجبني دور زليخة قريت 14 حلقة قبل التصوير و الوطنية طلبت 20 حلقة.. المسلسل كملنا التصوير متاعو اول رمضان و وقتلي هو بدا يتعدى مازلنا مش فاهمين رواحنا.. Apparemment الحلقات طوال شوية الحلقة فيها ساعة و نص المخرج شافهم برشا بش يتعداو في l'antenne نقص منهم ولات الحلقة 45 دقيقة ممكن هذاكا علاش من 20 ولاو 24 حلقة... العمل تظلم و تظلمنا الناس الكل و انا مانيش مسؤولة على البرمجة في القناة الوطنية بش نعطي رايي اما هو التوقيت بالحق متأخر شوية..بصراحة ما ثما حتى انتهاكات في العمل احنا صورنا في الشتا و خدمتنا صعيبة احنا الممثلين... هذاكا راي نادية بوستة الشخصي هي تجربتها الشخصية ... بالنسبة ليا انا الظروف صعيبة اما مش للدرجة الي حكات عليها نادية... ثما سوء تقدير مادي من الشركة المنتجة كي يبدا السيناريو يتكلف 4 مليارات ما نصوروش و ما نجيبوش ممثلين كبار des têtes d'affiche كي ما ثماش ميزانية.. الناس الكل عملنا عملية انتحارية باش المسلسل يخرج للناس...تجربتي الإنسانية كانت هايلة في المسلسل و فرحانة بيها برشا.. و اليوم للأسف ما نعرفوش النهاية متاع الشخصيات".
الفيديو :