قالت التومي خلال مداخلها في برنامج "jdt'' على قناة الحوار التونسي ،" شنوا اللبسة الي لبستها في مسلسل سره الباتع؟ سروال و مريول.. روبة تحت الركبة..تقولولي رمضان علاه انا نبوس ولا نعنق ولا لابسة 2 pieces في رمضان؟ اما انتي بلوندة و مزيانة كاينها جريمة''.
و تابعت قائلة "دوري في المسلسل تابعة المافيا الفرنسية اني بش ندخل من منطق فاتنة و سكسي بش تغري الشخص الي يترفك في الآثار و الحوايج هاذوكم حوايجي"
و اضاف بالقول ''هند صبري اول فيلم عملتو في مصر" مذكرات مراهقة " تهاجمت كي عملت دور جريء مع احمد عز و فيلم حكى على مشاكل المراهقين و حب يوصل ميساج''.
وأضافت رانيا " المشكل احنا ما نفرقوش بين الحقيقة والتمثيل.. علاش ما قالوش الي رانيا حكات un français parfait و يعطيها الصحة كي حكات مصري و هي عمرها ما حكات مصري هاذي اول تجربة في مصر".
و قالت " حتى كي ما عملت شي و مشيت لمهرجان القاهرة على الريد كاربت بكامل احترامي ما خلاو ما عملو و كلاولي لحمي و كنت متأكدة الي بش تصير بوليميك حتى لو لابسة جبة في المسلسل.. انا بعد المسلسل هذا جاوني برشا عروض و عندي ثنية طويلة قدامي فرحانة اني خدمت في مسلسل ضخم".
الفيديو :