نشر الباحث في علم الاجتماع معاذ بن نصير تدوينة فيسبوكية انتقد من خلالها سيناريو مسلسل الجبل الأحمر رغم وجود قامة من الممثلين العملاقة في العمل.
حيث قال معاذ في نص التدوينة التالي :"جبل الأحمر : جبال من الممثلين ، قامات من المبدعين لاغير ...
الجبل الأحمر ، يفكرني بالجيل الذهبي لريال مدريد في بداية الالفية زيدان ، رونالدو، بيكهام، راؤول، فيغو، كارلوس ... أما للأسف وقتها ما جابوش برشا تيتروات لعدة أسباب منها غياب التكتيك وغياب مدرب غول ينجم يتصرف في الرصيد البشري الرهيب الي عندو...
نفس الشيء كي نشوف مسلسل الجبل الأحمر فتحي الهداوي، نصر الدين السهيلي، محمد السياري، دليلة المفتاحي وغيرهم من المبدعين ومن الجبال الشاهقة ... أما كي يكون عندك سيناريو مرقع ترقيع ولخبطة على مستوى الكتابة والقصة تحضر وتغيب ... ما تنجم كان تخرج عمل مرتجل رغم وجود الجبال ...
تخيل انت في شهر رمضان وبعد نهار صيام وبعد شقان الفطر لازمني نركز مليح في الاحداث باش نفهم (وهذا بحسب تصريح أحد العاملين بالمسلسل)
المواضيع المطروحة على ما أعتقد أستهلكت على مر عشر سنوات الادمان ، الترويج، الجريمة ... ايييه وبعد ؟؟ هل يمكن اختزال الواقع التونسي كان في هالمواضيع ؟؟
واهم من يعتقد إنو الجبل الاحمر وكرا للجريمة فقط ، الجبل الاحمر منبع الفكر والكفاءات والممثلين والفنانين والقائمة تطول وتطول ...
ما انجمش ما نعلقش على
المجهود الكبير من نصر الدين السهيلي (الي ظلم روحه وظلمنا معاه كي بعد عالتمثيل وشد الاخراج ) السيد يحلق وحده بعيدا عن بقية الممثلين طاقة رهيبة وحضور كاريزماتيكي وتقمص للدور بصفة متقنة ... "زلاتان" الاعمال الدرامية لهاته السّنة ..."
الفيديو :