تحدّثت رئيسة مصلحة الإسعاف الطبي للحماية المدينة بتونس سنيّة حمد و التي كانت ضمن البعثة الوطنية التي شدّت الرحال إلى تركيا عقل الزلزال الذي شهده البلد.
و قد كانت سنية حمد المرأة الوحيدة الممثلة لتونس ضمن 41 متطوّع في هذه الخرجة الإنسانية التي تتحدّث عن تفاصيلها هذه الأخيرة :"المهمة كانت صعبة على خاطر برودة الطقس.. المنظر قابلنا لا يوصف ناس بايتة البرة بايتة في الكراهب و البنايات مردومين.. بنيان 5 طوابق تلقاه 3 ميترو و الحمد لله مافماش موقع اعطاوهولنا ماخرجناش منه" .
و أضافت بتأثر كبير :" ماتتصورش شنية عشنا و شنية رينا.. عشنا مشاهد و حاجات ماتتمحاش فما مرا مع ولدها كنا قريب ننقذوها خطوة اكاهو و تمنع اما طاح عليها ...مازلت كي نحط راسي باش نرقد نشوف في صورتها هي وولدها".
الفيديو :