القائمة الرئيسية

الصفحات

حلقة مؤثرة في "صفي قلبك" :"كنت نخدم ونتحرّك.. بين ليلة ونهار ولّيت مقعد وأمي وبابا تخلاو عليّا" (فيديو)

أثار الإعلان التشويقي لحلقة هذا الأسبوع من برنامج "صفي قلبك" الذي تبثه قناة الحوار التونسي جدلا واسعا وتفاعلا بين التونسيين عبر صفحات مواقع التواصل الاجتماعي.

ويظهر الفيديو شاب تونسي مقعد يدعى "حلمي" تحدّث بألم وحرقة عن ما حدث له وعن تخلي أقرب الناس عنه، وقال حلمي باكيا :"تعاركت أنا وشكون ضربني بمرفقه في رقبتي من تالي.. من اللحظة هذيكا فقت بعد شهر و25 يوم.. من وقتها معادش نتحرك.. كنت نخدم لباس عليا جوي باهي.. الحمد لله هو ابتلاء من عند ربي..".

وأضاف :"ما لقيت حتى واحد حتى بابا وأمي تخلاو عليا.. أمي تجي تزورني في السبيطار تبدى تحكي مع عمتي تقلها هزيه خليه عندك وبابا كيف كيف.. العباد ولات تبيع وتشري فيا..

الي ضربتي شكيت بيه وسامحتو كي شفت عائلتو سامحتو.. ديما نحسبو ابتلاء من عند ربي".

وتعليقا على فيديو الحلقة، كتب جعفر القاسمي :"حلمي نمشي.. تعداو عليا برشا حلقات توجع بكيت تالمت ضحكت تفاعلت عاونت صحت سكتت بهتت اما الحلقة هذي الأكثر تاثير..

ادعو اصدقائي الكل يتفرجو في الحلقة هذي يوم الاربعاء 11 جانفي 20h45 على قناة الحوار

لانكم باش تشوفو حاجة عظيمة موش ديما تشوفوها في تلفزة وباش تكونو متفرج فاعل يغير وباش تتحركو وتعاونو وتتاثرو وحدكم وباش تعملو المستحيل..

لوكان ممن انو نجمو نغيرو ونجمو نكونو يد وحدة

نبداو الحملة بالبرطاج".

الفيديو :


تعليقات