القائمة الرئيسية

الصفحات

إعلامية مصرية للنساء :"إستخدمي الصوت الشتوي والعيون الشتوية مع زوجك لتسعديه" (فيديو)

أثارت الإعلامية ياسمين عز، جدلًا واسعًا بسبب حديثها عن العيون الشتوي، خلال حلقة أمس السبت، من برنامجها “كلام الناس” الذي يعرض عبر قناة “MBC مصر”.


وقالت ياسمين، خلال الحلقة “أنا السنة دي اديتك هدية جوجل نفسه مش هيديهالك مش موجودة غير في الكتب اللي إحنا اتعلمنا منها مش موجودة غير في البرنامج ده.. الصوت الشتوي.. صوتك الشتوي يا هانم اللي نسيتيه بعد ما اتجوزتي يرجع بقى.. الصوت الشتوي.. والعيون الشتوية.. عايزاكي تستخدميهم 24 ساعة مع الراجل.. اقفلي وحولي للصيفي مع الولاد بس الراجل الشتوي”.


وأضافت: “العيون الشتوية دي المصاحبة للصوت الشتوي.. اللي هي النعسانة.. وانتي بتكلميه كده ضيقي عينيكي سبلي عينيكي سهتني عنيكي عشان يحس إن في نوع من أنواع البراءة انتي ما فقدتيهاش.. لو عندك طفلة صغيرة مخلفة بنت صغيرة اتعلمي منها خدي حركات منها.. لو جمعنا ما بين الصوت الشتوي والعيون الشتوية يا الله هنكون حياة مش سعيدة حياة فوق فوق فوق.. تخيلي بتكلميه بصوت هادي وعيونك مدبلة وسهتانة أي حاجة بيقولك أي حاجة أعملي كده”.


وتابعت: “مستحيل أي حد بره يدخل دماغه.. عنده في البيت كنز شتوي.. الست ماجدة الرومي غنتله وقالتله إيه عيناك ليالي صيفية.. عارفة الليالي الصيفية اللي فيها نسمة هوا كده هو الصيف وانتي الشتا.. لإن الراجل راجل لازم يكون صيفي يعني خشونة في الصوت وأداء كده انتي شتوي.. هنا الدفا وهنا البراد يجتمعوا مع بعض أحلى جو”.

الفيديو :


تعليقات