القائمة الرئيسية

الصفحات

زوجة منصف عبلة :"نطلب من أولادو يزورو بوهم راهو تاعب.. وشكينا بمصطفى الدلاجي"

تحدثت زوجة الفنان التونسي منصف عبلة في تدخّل لها عبر راديو ماد عن عملية زوجها و قالت أنه حاليا تم تأخير العملية لأنه نفسيا ليس متأهب و هناك من يقف وراء هذا التأخير وصرّحت :" تو أخرنا العملية خاطرو نفسانيا ماهوش لاباس وبدنيا موش لاباس ، صار تعطيل فما شكون حط العصا في العجلة وربي يهدي منغير مانسمي.. صارت شويا تعطيلات في الاعانة إلي باش يدخل يعمل بيها العملية وفي معيشتنا".

و عن قرار الفنان الذي اتخذه خلال إتصال هاتفي له ببرنامج لاباس، أكدت السيدة ألفة أنه تم التخلي عن قضية إنكار النسب التي تم توجيهها ضد أولاد منصف عبلة :" اني لا نستعطف فيهم ولا شي لكن هذوكم اولادو، ماهوش غالط كلامو مكرم عبلة لكن ما شدو حد على بوه وإذا عندو خلاف معايا يبقى هذاكا بوه على جنب... احنا وصلنا من المسؤولين قالولو راهو ولدك عمل شكاية بالوزارة على اهدار المال العام وأنا باش نداوي بابا".

وأضافت متحدّثة :" بوك هاو موجود في اوتيل المشتل إلي نشكر قناة نسمة إلي حطتنا فيه إلى أن ترمم الدار وايجا هز بوك وعاونو.. هذوما والديك موش تستنى الناس تقلك ايجا هز ولا باش تشاور ماهر الهمامي إلي كان سبب المشكلة لولاني".

وعن تأخر موعد إجراء العملية أكدت أن كل تأخير ليس في صالح منصف عبلة كما كشفت أن لا أحد من العائلة قام بزيارته أو السؤال عليه أولاده و اخوته :"حتى واحد من اخوتو ماطلبوش وما سألش عليه واقسم بالله لا أنا لا بنتي تدخلنا في الشكاية وراهو الاحتياج عمرو ماكان عيب".

تعليقات