القائمة الرئيسية

الصفحات

بالفيديو / مواطن تونسي باكياً :"يا توانسة تفرجوا كيفاش قتلولي بنتي ملائكة.. كبدتي تشوات"

بالفيديو  تونسي يكشف باكياً يا توانسة تفرجوا كيفاش قتلولي بنتي ملائكة.. كبدتي تشوات

نشر مواطن تونسي تدوينة على حسابه الخاص يتحدث فيها بألم وكرقة عن حادثة وفاة إبنته بسبب تقصير الإطار الطبي، وقد أثار تفاعل وتأثر التونسيين وهذا ما جاء في تدوينته :"

ليوم باش نستعمل الصفحة كتعبير على على حرقة و وجيعة كبيرة سبب فيها الخمج و الناس الي معندهمش همة و لا ضمير.

ليوم باش نحكيلكم فالهبلاد الملعونة كيفاش قتلولي بنتي كانت عندي احلى بنية كانت كل شي في حياتي.

في 1 جوان كلمتني مرتي بنيتي متقلقة سخانة و ردان و فاشلة. هزيناها لقسم الاستعجالي بالنفيضة و بعد الفحوصات قالتلنا الطبيبة عادي لباس ما فما شي يدعو لقلق (طلع فالسنون) مع شوية دواء يخفف وجيعة اللغب و يوقف الردان و لباس. ...

و بقينا كك تستعمل فالدواء على امل انها تتفرهد كيف ما قالت الطبيبة

استعملنا الدواء و حالة بنتي متحسنتش ايامات على نفس الحالة ...

يوم 9 جوان رجعت للاستعجالي بالدواء و شرحنا لطبيبة الوضعية و كان نفس الكلام حالة عادية (طلع فالسنون) و زادتنا دواء يوقف الردان بحكم فهمناها الي بنيتي تشرب برررررررشا ماء لين ترجعو..

رجعنا لدار و وضعية بنيتي ماهياش تتحسن

عاودت رجعت بيها فاليلة لبعدها يوم 10 جوان للاستعجالي. و صادفت نفس الطبيبة الي فحصتها اول مرة يوم 1 جوان عودت فسرتلها الوضعية و لو لا انتباه احدى الممرضات و ليس الطبيبة من طلبت تحليل السكر لا ممرضة بقسم الاستعجالي هيا من طلبت تحليل السكري الفوري.

و الصدمة هنا تتمثل في ان صغيرتي ابنت العام و شهر تعاني من ارتفاع فالسكري تجاوز ال6 غرامات....

فاللحظة هذي طلبو تدخل الاسعاف و قالولي بنتك باش ترقد فالانعاش بسهلول هذا مع تطمينات الاطار الطبي و لباس..... مع حدود العاشرة ليلا بنتي تخرج بيها سيارة الاسعاف مباشرة لقسم الانعاش بسهلول.

و من اول لحظة لدى قسم الانعاش كانت اجابتهم (جبتوها مخر حالتها تاعبة ) كانت هذي الاجابة كل وين ما نسئلو على حالة بنتي

و في هذا القسم الملعون بنتي ما كملتش 24 ساعة

كنا نشاهد في تقصير رهيب و لا مبالاة من جميع المباشرين في قسم الانعاش بسهلول حتى انا حاولنا اخراج بنتي في حدود الساعة الثانية من مساء يوم 11 جوان لمصحة الزياتين بعد ما اتصلنا بالمصحة و طلبو منا تقرير طبي لوضعية بنتي باش يعرفو اش يحظرو لاكن لا مجيب و لا احد ممكن ان يعطيك تقرير طبي الى حدود الساعة السادسة مساء لاحظنا ان الة الاكسجين تشعل بالاحمر اعلمناهم خرجونا (موش وقت زيارة و دخلو بعضهم ) من ثم اقل من نصف ساعة و قالوللنا الدايم الله..

شكون قتلي بنتي؟

شكون قصر في انقاذ بنتي؟

وضعية صغيرتي لم تكن مميتة..

استعجالي النفيضة مدة عشرة ايام و هم يقولولي لباس و بنتي ياكل فيها السكر..

قسم الانعاش بسهلول قالولي مالدقيقة لولة جبتوها مخر ..

شكون المسؤول علاش كبدتي تشوات..".


تعليقات