القائمة الرئيسية

الصفحات

لطيفة العرفاوي متأثرة :"حبيت نعمل عرض مزيان في قرطاج بلاش.. وبلادي ديما نحبها" (فيديو)

لطيفة العرفاوي متأثرة حبيت نعمل عرض مزيان في قرطاج بلاش.. وبلادي ديما نحبها (فيديو)

تحدثت الفنانة لطيفة العرفاوي لأول مرة في برنامج By Afef مع عفاف الغربي عن تفاصيل إلغاء حفلها الذي كان مبرمجا في مهرجان قرطاج.

وقالت :"اتصلت بيا السيدة وزيرة الثقافة مشكورة وقاتلي نحبوك تكون معانا في المهرجانات قلتلها يشرفني والكاشي إلي تحطو أنت أنا موافقة فقط يخلص العازفين أنا مايهمش لأنو نعرف ظروف بلادنا والامكانيات وماعندي حتى مشكلة قاتلي أوك وتوا يتصل بيك مدير مهرجان قرطاج ... اتصل بيا مدير مهرجان قرطاج قتلو ماعندي حتى مشكلة ومتفقين قالي باهي توا نرجعلك ورجعلي بعد جمعتين قالي نهار 18 قتلو avec plaisir ... أنا كان عندي أمل وطموح فما show عالمي حبيت نجيبو وقلتلهم ماتكلفو حتى شي خلوه عليا أنا باش نجيبو ونحب نعمل step لبلادي وليا أنا فقط اعطوني الحاجات التقنية شنيا ... هذوما ناس عاملين show عالمي وناجحين وعملت معاهم في ستار أكاديمي وعديد الحفلات وكنت أنا ومعايا des sponsors باش يتكفلو بيهم ... سي ناصر الڨرواشي مشى وقدم الدوسي مدير المهرجان قالي لا سي ناصر جابلي دوسي وأحنا رفضناه خاطر مافيهوش توضيح ... أنا حبيت نعمل عرض حلو ومضخم لمهرجان قرطاج إضافة لمسيرتي وحبيت نبداه في بلادي تونس قبل أي بلاد ... بعدها كلمتني السيدة الوزيرة متأسفة على اللجنة إلي شادة قرطاج وللأسف مدير المهرجان خذا ملفات الفنانين التوانسة إلي أنا نحبهم برشا زياد غرسة وبلطي وقاللهم لطيفة لا ... قلت باهي ماعندي حتى مشكل وبعدت وأنا عمري ماندق البيبان إلي حاجتو بيا يلقاني ... كيما يصير في مهرجانات في بلدان أخرى يتصلو بيك يقولولي نحبوك تكون معانا ووقتاش متفاضية أما حد يقلك توا نشوف وتوا نرجعلك ومبعد يقلك لا نفهم إلي هو مايحبكش يكون موجودة ... يشهد سي الناصر والسيدة الوزيرة على كلامي وهذا الكل موش باش يأثر على حبي لبلادي ولجمهوري ... أنا قلت مانحب حتى فرنك على الأقل ادفعوا للفرقة وهي فرقة تونسية لكلها".


تعليقات